Same kiel la IKU-libro 2020, la IKU-libro 2021 estas senpage elŝutebla (vidu la butonon sube) jam dum la Virtuala Kongreso. Ĉi-jare ĝi estas iom pli ampleksa, i.a. pro la aldono de la SUS-prelegoj.
Tiu ĉi projekto estas agrabla, sed temporaba, streĉa kaj granda laboro. Krom tio ankaŭ la paperforma eldono havas sufiĉe grandajn elspezojn. Do, se vi povas iel helpi, vi estas bonvenaj. Kion eblas fari?
• eblas donaci iomete el via UEA-konto, kontaktante financoj@co.uea.org kaj petante ĝiron al IMPT-M (Eldonejo «Impeto») kun indiko de la sumo kaj noto «Donaco por eldono de la IKU-libro 2021». Ankaŭ ekzistas aliaj pagmanieroj ĉe UEA. Vi povas trovi informon pri ili en ĉi tiu paĝo.
• mendi ĉe la Libroservo de UEA la paperforman version de la libro. Sekvu la retejon de la eldonejo kaj la dissendoliston de UEA «Laste aperis».
• diskonigi la ligilon http://iku2.trovu.com al viaj amikoj, en la sociaj retoj, bultenoj, revuoj ktp.
• aboni nian jutuban kanalon https://mallonge.net/fd kaj «ŝati» la filmeton pri la IKU-libro 2021 kaj la aliaj libroj.
Internacia Kongresa Universitato
74-a sesio 2-a Virtuala Kongreso de Esperanto 17 - 24 de julio 2021
Scienca Universitata Sesio
37-a sesio Komuna Esperanto-kongreso: germana, pola, fervojista 21 - 24 de majo 2021
Provlegis Rob Moerbeek
Redaktoroj: Anna Striganova, Dmitrij Ŝevĉenko, Amri Wandel
Moskvo, Impeto, 2021. - 134 p.
ISBN 978-5-7161-0372-9